კანაფის მოხმარება საჯარო სივრცეში, თავშეყრის შენობებში, ტრანსპორტში, კინოში, სკვერში და ა.შ. ისჯება ჯარიმით. ისჯება, თუ მარიხუანას მოწევს 21 წლამდე ადამიანი ან სხვები მოწევენ 21 წლამდე ადამიანის თვალწინ. ნებისმიერი რაოდენობის კანაფის მოყვანა-გავრცელება აკრძალულია.

წყარო: ადმინისტრაციულ სამართალდარღვევათა კოდექსის 45(1) მუხლი https://matsne.gov.ge/ka/document/view/28216?publication=476

მარიხუანა აკრძალულია, თუმცა ე.წ. “შემწყნარებლობის პოლიტიკის” ფარგლებში პრაქტიკაში პირად მოხმარებას, მცირე რაოდენობით (5 გრამამდე) ფლობას და გავრცელებას არ სჯიან. ამ პოლიტიკის ფარგლებში მხოლოდ ამსტერდამის მხოლოდ გამოყოფილ პატარა ადგილას, ე.წ. ყავის სახლებში, მცირე რაოდენობის გაყიდვა-მოხმარება დაშვებულია სპეციალური პირობებით - თუ ალკოჰოლი არ გაიყიდება ამ კაფეში, მარიხუანას რეკლამა არ ექნება და არასრულწლოვანებს არ მიჰყიდიან.

წყარო: https://www.government.nl/topics/drugs/am-i-committing-a-criminal-offence-if-i-possess-produce-or-deal-in-drugs

შტატების მიხედვით მიდგომა განსხვავდება. ზოგან არალეგალურია, ზოგან მხოლოდ სამედიცინო მიზნებით დაიშვება, ზოგ შტატში მოხმარება არ ისჯება, არის შტატები, სადაც მთლიანად ლეგალურია. ათიდან ცხრა ამერიკელი ცხოვრობს შტატში, სადაც რაღაც კუთხით დაშვებულია მარიხუანის მოხმარება. თუმცა, არასრულწლოვნებისათვის მოხმარება ყველა შტატში იკრძალება.

იხილეთ რუკა, რომელზეც შტატების მიხედვით განსხვავებები არის აღრიცხული https://disa.com/map-of-marijuana-legality-by-state

კანაფის მოხმარება ეწინააღმდეგება ისლამის კანონებს, ამდენად მკაცრად ისჯება და იკრძალება ნებისმიერი რაოდენობის კანაფის შეძენა, შენახვა, გავრცელება და მოხმარება. ზოგიერთ შემთხვევაში განაჩენი ითვალისწინებს სიკვდილით დასჯასაც.

წყარო: https://www.longdom.org/open-access/illegality-of-hashish-usage-in-the-kingdom-of-saudi-arabia-2329-6488-1000296.pdf

მკაცრად ისჯება კანაფის შეძენა, შენახვა, გავრცელება, მოხმარება, მათ შორის სამედიცინო მიზნითაც. სასჯელი შეიძლება მოიცავდეს ჯარიმას ან თავისუფლების აღკვეთას. 2018-ში პრეზიდენტი ვლადიმერ პუტინი გამოვიდა რეპის ზოგიერთი სიმღერის აკრძალვის ინიციატივით, რადგან ამ სიმღერებში კანაფისა და ნარკოტიკების მოხმარებაზეა საუბარი.

წყარო: http://www.kremlin.ru/events/president/news/59416

მოხმარება არალეგალურია. მცირე რაოდენობის მოხმარებისთვის არ სჯიან, თუ მომხმარებელი დაამტკიცებს, რომ ნამდვილად პირადი მოხმარებისათვის უნდოდა, მანამდე კრიმინალური ისტორია არ აქვს და გარშემო არასრულწლოვანი არ იმყოფება. მცირე რაოდენობად 6 გრამამდე მარიხუანა ითვლება გერმანიის უმრავლეს ადგილებში, ბერლინში კი ეს რიცხვი 15 გრამამდეა. გაყიდვის დამტკიცების შემთხვევაში დამრღვევს 5 წლამდე ციხე ემუქრება. თუ ვითარება დაუმძიმდა (არასრულწლოვნებს მიჰყიდა, მაგალითად, იარაღი აღმოაჩნდა ან განსაკუთრებით დიდი ოდენობის ფლობა დაუმტკიცდა), 15 წლამდეც შეიძლება გაიზარდოს პატიმრობის დრო. სამედიცინო მიზნებისათვის მოხმარება ლეგალურია 2017 წლიდან. საუბარია სამედიცინო მიზნით კანაფის კულტივაციაზეც.

წყარო: https://se-legal.de/criminal-defense-lawyer/drug-offences-and-narcotics-criminal-law-in-germany/marijuana-possession-in-germany-lawyers-advice/?lang=en

ლეგალური ასაკის ადამიანს კანადის მთელ ტერიტორიაზე შეუძლია შეიძინოს, თან ატაროს და სხვებსაც გაუზიაროს 30 გრამი მარიხუანა. მოწევა აკრძალულია საჯარო შენობის შიგნით, სამსახურში და საზოგადოებრივ ტრანსპორტში. ე.წ. მარიხუანის აქტის მიხედვით, სამი მიზანი უნდა შესრულდეს - არასრულწლოვნები მოვარიდოთ მარიხუანას, მოგება არ წავიდეს კრიმინალების ჯიბეში და დავიცვათ საზოგადო ჯანმრთელობა (ლეგალური და შემოწმებული პროდუქტი რომ შეიძინონ სრულწლოვანებმა, არალეგალურისა და კრიმინალურის ნაცვლად).

წყარო: https://www.justice.gc.ca/eng/cj-jp/cannabis/