უდანაშაულობის პრეზუმფციასთან დაკავშირებული პრობლემები კვლავ აქტუალურია საქართველოშიც და მსოფლიოს საზოგადოებისთვისაც. უდანაშაულობის პრეზუმფციასთან წინააღმდეგობაში მყოფი ინფორმაცია ხშირად ვრცელდება სხვადასხვა სახის მედიაში. უდანაშაულობის პრეზუმფციის წესის დაცვის უზრუნველყოფის საუკეთესო გზა სწორი ინფორმირებაა.

უდანაშაულობის პრეზუმფციასთან დაკავშირებით საზოგადოების ცნობიერების ამაღლების მიზნით მოამზადეთ საინფორმაციო პოსტერი/ინფოგრაფიკა.

პოსტერი/ინფოგრაფიკა უნდა შეიცავდეს:

• უდანაშაულობის პრეზუმფციის განმარტებას/არსს;
• ინფორმაციას გამოხატვის თავისუფლების ფარგლებზე, როდესაც ბრალდებულზე ვსაუბრობთ;
• თემატურ ვიზუალურ გაფორმებას (ლოგო, ნახატი, პლაკატი და ა.შ.).
  

პრაქტიკული რჩევები კომპლექსურ დავალებაზე სამუშაოდ:

• პოსტერის დასამზადებლად შეგიძლიათ გაეცნოთ პრაქტიკულ რჩევებს: პოსტერის შექმნა; როგორ შევქმნათ პოსტერი;
• უდანაშაულობის პრეზუმფციის შესახებ განმარტება შეგიძლიათ მოიძიოთ საქართველოს კონსტიტუციის 31(5)-ე მუხლში, ხოლო გამოხატვის თავისუფლების ფარგლების შესახებ ინფორმაციას შეგიძლიათ გაეცნოთ სიტყვისა და გამოხატვის თავისუფლების შესახებ კანონის მე-9 მუხლში;
• დავალებაში მოცემული პირველი ორი პუნქტი შეგიძლიათ წარმოაჩინოთ როგორც თემატური ტექსტის სახით, ისე ლოზუნგის, მოწოდების ან თემატური შინაარსის ნახატის/ლოგოს მეშვეობით ან ყველა ზემოთ ხსენებულის კომბინაციით.