ეტაპი I. ჩაატარეთ 12-18 წლის, 19-25 წლის, 26-34 წლის და 35-50 წლის ადამიანთა ონლაინგამოკითხვა და შეაფასეთ მათი ინფორმირებულობის ხარისხი კიბერდანაშაულთან დაკავშირებით. ამისათვის:

ა) მოიფიქრეთ შესაბამისი კითხვები;

ბ) შეადგინეთ კითხვარი საბოლოო სახით და ჩაატარეთ გამოკითხვა google form-ის საშუალებით.

ეტაპი II. გააანალიზეთ მიღებული მონაცემები. თითოეულ ასაკობრივ ჯგუფში გამოკვეთილი საჭიროების მიხედვით დაგეგმეთ კიბერდანაშაულთან დაკავშირებით მათი ცნობიერების ამაღლების კამპანია. ამისათვის შეგიძლიათ ამოირჩიოთ ჩამოთვლილთაგან ერთი ან რამდენიმე ხერხი:

• მოიფიქრეთ სცენარი  და შექმენით მოკლე ანიმაცია;
• შექმენით კომიქსი;
• მოიფიქრეთ 3-4 სლოგანი შესაბამისი დიზაინით;
• დაწერეთ ბლოგი პოპულარულ ენაზე;
• შექმენით მცირე ზომის ბუკლეტი; 
• შექმენით მოკლე თამაში;
• თავად მოიფიქრეთ სხვა, თქვენთვის უფრო საინტერესო ხერხი შესაბამისი ასაკობრივი ჯგუფის ინფორმირებისა და ცნობიერების ასამაღლებლად.