ნაწილი 1. წარმოიდგინეთ, რომ თქვენს ქალაქს/სოფელს ახალი მმართველობა ჰყავს, რომელმაც გამოაცხადა, რომ მზად არის ყველაფერი გააკეთოს იმისათვის, რომ ამ ქალაქში/სოფელში მცხოვრებ ბავშვებს ყველაფერი ჰქონდეთ, რაც სურთ ან სჭირდებათ. ახალი მმართველობის წარმომადგენლებმა შეადგინეს ამ სურვილებისა და საჭიროებების სია, და სთხოვეს ბავშვებს, თავადაც დაემატებინათ კიდევ 4 რამ, რაც, მათი აზრით, საჭირო ან სასურველი იყო.

იმუშავეთ ჯგუფებში, გაეცანით სიას და დაამატეთ თქვენი ვერსიებიც.

ნაწილი 2. ახალმა მმართველობამ გამოაცხადა, რომ მოულოდნელი ეკონომიკური და პოლიტიკური გარემოებების გამო ვეღარ შეძლებს ყველაფრის დაფინანსებას, ამიტომ გთხოვათ, რომ სიას მოაკლოთ 8 სურვილი ან საჭიროება და დატოვოთ ისინი, რომლებიც, თქვენი აზრით, უფრო მნიშვნელოვანია.

იმუშავეთ ჯგუფებში და დატოვეთ 16 სურვილი/საჭიროება 24-დან.

ნაწილი 3.სამწუხაროდ, კვლავ მოვიდა შეტყობინება მმართველობისაგან, რომ საჭიროა ამ ჩამონათვალს კიდევ 8 სურვილი/საჭიროება მოაკლოთ და დატოვოთ მხოლოდ 8.

იმუშავეთ ჯგუფებში. შეამცრიეთ სია 8 სურვილამდე/საჭიროებამდე. შემდეგ კი იმსჯელეთ:

რომელი სურვილები/საჭიროებები დაამატეთ სიას პირველ ჯერზე? რატომ?

რომელი სურვილები/საჭიროებები მოაკელით სიას შემდეგ ორ შემთხვევაში? რატომ?

იყო ჯგუფში უთანხმოება იმასთან დაკავშირებით, თუ რა სურვილი/საჭიროება უნდა დაგემატებინათ, მოგეკლოთ? თუ კი, რომელ მათგანზე?

რა განსხვავებაა საჭიროებებსა და სურვილებს შორის? სიაში მოცემული ჩამონათვალიდან რომლებია საჭიროებები და რომლები - სურვილები?

შეიძლება საჭიროებები და სურვილები განსხვავებული იყოს სხვადასხვა ადამიანისათვის? თუ კი, რატომ? რატომ არა?

დაწერეთ „უფლებების“ განმარტება თქვენი სიტყვებით.