ნაბიჯი 2:მართლმსაჯულება ბავშვებისათვის
კანონთან კონფლიქტში მყოფი არასრულწლოვანი – 18 წლამდე ასაკის პირი, რომლის მიმართაც არსებობს დასაბუთებული ვარაუდი, რომ მან ჩაიდინა საქართველოს სისხლის სამართლის კოდექსით გათვალისწინებული დანაშაული ან რიგ შემთხვევებში ადმინისტრაციული სამართალდარღვევა.
იმ ბავშვებთან ურთიერთობისას, რომლებმაც დაარღვიეს სისხლის სამართლის კანონმდებლობა, ბრალად ედებათ მისი დარღვევა ან აღიარებულნი არიან მის დამრღვევებად, სახელმწიფომ ხელი უნდა შეუწყოს სხვადასხვა ღონისძიების გამოყენებას სასამართლოში საქმის განხილვის გარეშე, სადაც ეს შესაძლებელი და სასურველია. სახელმწიფო ვალდებულია ხელი შეუწყოს კანონთან კონფლიქტში მყოფი ბავშვების, რომლებმაც ჩაიდინეს მსუბუქი დანაშაულები, სასამართლოში საქმის განხილვის გარეშე სხვა ღონისძიებების გამოყენებას. ასეთ ღონისძიებებში შედის სხვადასხვა სახის ოჯახური მხარდაჭერაც საზოგადოებრივ ბაზაზე, განრიდების და აღდგენითი მართლმსაჯულების პროგრამებიც.
